You are currently viewing 12th Botany Lesson 8 Additional 2-3-5 Marks

12th Botany Lesson 8 Additional 2-3-5 Marks

12th Botany Lesson 8 Additional 2-3-5 Marks

பாடம் 8 பகுதி-II. கூடுதல் வினாக்கள் 2,3,5 Marks

12th Botany Lesson 8 Additional 2-3-5 Marks. 12th Botany Lesson 8 Additional 1 Marks. 12th Botany Unit 8 Book Back Answers.  12th Botany lesson 7 Additional Questions 2M, 3M, 5M. 12th Botany Unit 7  additional Questions & Answers. TN 12th Standard Biology Book Back question with answers. Tamil Lyrics. 12th Botany Lesson 7 Additional question answers.  12th Standard Botany Tamil Medium guide. Book Bak and Addition question and answers. TN 12th Samacheer kalvi Guide. HSC Second Year Tamil Medium Biology, Bio Botany All Lesson Bok Answers, also available Additional questions with answer key 2021-22. Based on the Reduced syllabus.

12th Botany Lesson 8 Additional 2-3-5 Marks

XIV. இரண்டு மதிப்பெண் வினாக்கள்

1.பசுமை இல்ல வாயுக்கள் ஏன் புவி வெப்ப மடைதலை ஏற்படுத்துகிறது? 
  • பசுமை இல்ல வாயுக்கள் சூரியனிடமிருந்து வரக்கூடிய வெப்பக்கதிர்களை கவர்ந்து வளிமண்டலத்தின் வெப்பம் அதிகரிக்கும் நிகழ்வை பசுமை இல்ல விளைவு என்கிறோம்.
  • பசுமை இல்ல வாயுக்கள் CO2, மீத்தேன் (CH4) நைட்ரஸ் ஆக்ஸைடு (NO2) CFC ஆகியவை அடங்கும்.
3.மேகங்கள், தூசுகள் மற்றும் ஈரப்பத இரவுகள் தெளிவான உலர் இரவுகளை விட அதிக வெப்பத் துடன் காணப்படுகின்றன? ஏன்? (அல்லது) மேகங்கள் மற்றும் தூசுத்துகள்களும் பசுமை இல்ல விளைவுகளை ஏற்படுத்துமா?
  • ஆம். மேகங்கள் மற்றும் தூசுத்துகள்களும் சூரியனிலிருந்து வரக்கூடிய வெப்பக் கதிர்களை கவர்ந்து பசுமை இல்ல வாயு விளைவினை தோற்றுவிக்கின்றன.
  • எனவே, மேகங்கள், தூசுகள் மற்றும் ஈரப்பத இரவுகள் தெளிவான உலர் இரவுகளை விட வெப்பத்துடன் காணப்படுகிறது.

புவி வெப்பமடைதல் (Global Warming)

  • பசுமை இல்ல வாயுக்களின் அடர்த்தி அதிக ரிக்கும் போது புவியின் சராசரி வெப்ப நிலையும் உயர்கின்றது. (அதிகபட்சம் 4000 வருடங்கள்) இது புவி வெப்பமடைதல் என அழைக்கப் படுகின்றது.
5.பயனற்ற ஓசோன் படலம் மற்றும் நன்மை தரும் ஒசோன் படலத்தை வேறுபடுத்துக.
பயனற்ற ஓசோன் படலம்
  • அடிவளி மண்டலத்தில் (troposphere) காணக் கூடிய ஓசோன் படலம் பயனற்றதாகும். ஏனென்றால், இந்த அடுக்கு சூரியனிடமிருந்து வெளிப்படும் UV கதிர்களை தடுத்து நிறுத்துவதில் ஈடுபடுவதில்லை.
நன்மை தரும் ஒசோன் படலம்
  • மீவெளி மண்டலத்தில் (stratosphere) காணக் கூடிய ஓசோன் படலம் நன்மை தரும் அடுக்காகும். ஏனெனில் இவ்வடுக்கு சூரியனிடமிருந்து வெளிப் படும் UV கதிர்களை பெருமளவில் தடுத்து நிறுத்தி DNA சிதைவினால் உயிரினங்களில் தீங்குண்டாவது தடுக்கப்படுகிறது.
6.ஓசோன் குறைந்த பகுதி மற்றும் ஓசோன் மிகு பகுதியை (புவியின் மொத்த ஓசோன் அமைப்பை) எதை கொண்டு அறியலாம்?
  • ஓசோன் அமைப்பைக் காண்பிக்கும் பொய் நிறத் தோற்றத்தைக் கொண்டு அறியலாம்.
  • ஊதா மற்றும் நீல நிறங்கள் ஓசோன் மிக குறைந்த பகுதியாகும்.
  • மஞ்சள் மற்றும் சிவப்பு நிறப் பகுதிகள் ஓசோன் மிகு பகுதியென அறியலாம்.
7.ஓசோன் அளவு மீவெளி மண்டலத்தில் குறை வதனால் உயிரினங்களில் ஏற்படும் பாதிப்பு யாது? 
  • UVB கதிர்கள் புவியை வந்தடைந்து உயிை கூறுகளையும், உயிர்ச் செல்களையும் அழிக்கின்றன. (தோல் மூப்படைதல்)
  • UV கதிரியக்கம் உயிரிகளின் தோலின் நிறமாற்றம் தோல் கருகுதல் மற்றும் தோல் புற்றுநோய் போன்றவற்றைத் தூண்டவும் காரணமாகிறது.
8.ஓசோனில் துளைகள் காணப்படுகின்றனவா?
  • ஓசோனில் துளைகள் காணப்படுவதில்லை. ஆனால் சில வகையான வேதிப்பொருட்கள் வளி மண்டலத்தில் வெளியிடப்படும்போது ஓசோன் படலம் தொடர்ந்து பாதிப்பிற்கு உள்ளாகிறது.
  • குளிர்சாதனப் பெட்டிகளிலிருந்து வெளியேறும் குளோரோஃபுளோரோ கார்பன், ஏரோசால் தொழிற் சாலைகளில் அழுக்கு நீக்கும் வேதிப்பொருட்கள் போன்றவை பாதிப்பை ஏற்படுத்துகிறது.
  • எனவே ஓசோனின் அடர்வு குறைந்து காணப் படும் பகுதிகள் ஓசோன் துளை என அழைக்கப் படுகின்றன.
9. மான்ட்ரியல் ஒப்பந்தத்தின் குறிக்கோள்கள் யாவை? 
  • வளிமண்டலத்தில் ஓசோன் படலத்தைச் சேதப் படுத்தும் பொருட்களை களைவது மற்றும் படிப் படியாக அத்தகைய பொருட்களை உற்பத்தியை நிறுத்தி பயன்பாட்டைக் குறைக் கவும் குறிக்கோளாக கொண்டு விவாதிக்கப் பட்டது.
10. வேளாண் காடுகள் என்றால் என்ன? 
  • வேளாண் காடுகள் என்பது ஒரு நிலப்பகுதியில் காணப்படும் மரங்கள், பயிர்கள் மற்றும் கால் நடைகளின் ஒருங்கிணைப்பாகும். மேலும் அவற்றிற்கிடையேயுள்ள தொடர்புகளை அறிவதே இதன் முக்கிய நோக்கமாகும்.
11. மரப்புல்வெளி என்றால் என்ன? (அல்லது) நிலையிழந்த வனங்கள் மற்றும் பொழுதுபோக்குக் காடுகளைப் புனரமைத்தல் என்றால் என்ன?
  • புற்களுடன் கட்டைத்தன்மையுடைய தாவரங் களை வளர்க்கும் முறை மரப்புல்வெளி எனக் குறிப்பிடப்படுகிறது.
  • மரங்கள் மற்றும் புதர் செடிகள் கால்நடை களுக்குத் தீவனங்கள் தயாரிப்பதில் முதலில் பயன்படுத்தப்படலாம். அல்லது வெட்டுமரம். எரிகட்டை மற்றும் பழம் (அல்லது) மண்ணின் தரத்தை மேம்படுத்த வளர்க்கப்படலாம்.
12. வேளாண் காடுகளை சமூகக் காடுகளிலிருந்து வேறுபடுத்துக
வேளாண் காடுகள்
  1. ஒரு நிலப்பகுதியில் காணப்படும் மரங்கள், பயிர்கள் மற்றும் கால்நடைகளின் ஒருங்கிணைப்பாகும்.
  2. இதன் முக்கிய நோக்கம் மரங்கள், பயிர்கள், கால் நடைகளின் ஒருங்கிணைப்பாகும்.
சமூகக் காடுகள்
  1. சமூகக் காடுகள் உள்ளூர் சமூகத்தால் பராமரிக்கப் படுகின்றது.
  2. சமூகக் காடுகளின் நோக்கம் வளிக்கார்பன் சேகரிப்பு மாற்றங்களைக் குறைத்தல், மாசுபாடு நீக்கம். காடழிப்பு, காடுகள் மீட்டெடுப்பு மற்றும் இளைஞர் களுக்கு மறைமுக வேலைவாய்ப்பு ஆகியவற்றை குறிக்கும்.
13. காடழிப்பிற்கான காரணங்கள் யாவை?
  • காடுகள் விவசாயத் தோட்டங்கள் மற்றும் கால்நடை வளர்ப்பு நிலங்களாக மாற்றப்படுதல் ஆகியன முக்கிய காரணமாகும்.
  • மரத்துண்டுகளுக்காக வெட்டப்படுதல்.
  • சாலை மேம்பாடு. மின் கோபுரம் அமைத்தல் மற்றும் அணை கட்டுதல் போன்ற மேம்பாட்டு நடவடிக்கைகாக அழித்தல்,
14. இந்தியாவின் வன மனிதன் என்றழைக்கப்படுபவர் யார்?
  • ஜவஹர்லால் நேரு பல்கலைக்கழகத்தின் முன்னாள் துணைவேந்தர் சுதிர்குமார் சோபோரி என்பவரால்
  • ஜாதவ் ‘மோலாய் பயேங்’ அக்டோபர் 2013 ஆம் ஆண்டு இந்திய வன மனிதன் என்று அழைக்கப் பட்டார்.
  • இவர் உலகத்தின் பெரிய ஆற்றுத் தீவான மஜீலியை அடர்ந்த காடுகளாக மாற்றியதன் விளைவாகக் காண்டாமிருகங்கள், மான்கள், யானைகள், புலிகள் மற்றும் பறவைகளின் புகலிடமாக இது விளங்குகிறது.

15. ஆக்கிரமிப்புத் தாவரங்கள் என்றால் என்ன?

  • உள்ளூர் அல்லாத ஒரு சிற்றினம் இயற்கை யாகவே சூழல் தொகுப்பில் அல்லது குறிப்பிட்ட நாட்டில் பரவி, உள்ளூர் சிற்றினங்களின் உயிரியல் மற்றும் வாழ்நிலையல் குறுக்கீடு செய்வது மற்றும் சூழ்த்தொகுப்பிற்கு ஒரு பெரிய அச்சுறுத்தலை ஏற்படுத்தி பொருளாதார இழப்பை ஏற்படுத்தவதாகும்.

18. பாதுகாப்பு இயக்கம் : இது எதை அறிவுறுத்துகிறது? 

  • இது ஒரு சமூக நிலையான பங்களிப்பு நமதுசுற்றுச் சூழலின் பேணுகை மற்றும் பாதுகாப்பிற்கு உதவுகிறது.
17. சிப்கோ இயக்கத்தின் ஐந்து முழக்கங்கள் என்றால் என்ன? அவை எவை? 
  • சிப்கோ இயக்கத்தின் பிரதான நோக்கங்களான உணவு, தீவனம், எரிபொருள். நார் மற்றும் உரம் ஆகிய ஐந்து முழக்கங்கள் மூலம் தங்கள் அடிப்படை தேவைகளுக்கான தன்னிறைவை ஏற்படுத்துவதாகும்.
18. “ஒவ்வொரு கிராமத்துக் கோயில் காடுகளும் ஐயனார் அல்லது அம்மன் போன்ற கிராம ஆண், பெண் தெய்வங்களின் உறைவிடமாகவே கருதப் படுகின்றன.” இது எதை அறிவுறுத்துகிறது?
  • இவை தொகுப்புகளாகவோ அல்லது தோட்டங் களாகவோ சமூகத்தின் பாதுகாப்பிற்காக ஒரு குறிப்பிட்ட சமயச் சித்தாந்தங்களைக் கொண்டி ருக்கும் வலுவான மத நம்பிக்கை கொண்ட அமைப்புகளை அடிப்படையாகக் கொண்டவை.
  • இது கோயில் காடுகள் என்று அழைக்கப் படுகிறது. தமிழ்நாடு முழுவதும் 448 கோயில் காடுகள் ஆவணப்படுத்தப்பட்டுள்ளன.
19.உயிரிமரக்கரிமம் என்றால் என்ன?
  • உயிரிக்கரிமம் என்பது கார்பனைச் சேகரிக்க பயன்படும் ஒரு நீண்டகால முறையாகும். மரக்கரி போல உயிரிய கரிமமும் உயிரித்திரள் களை குறைந்த அளவு பிராண வாயுவுடன் எரித்து உருவாக்கும் வழிமுறையாகும்.
20. “கார்பன் வழித்தடம்” என்றால் என்ன? 
  • விவசாயம், தொழற்சாலைகள், காடழிப்பு, கழிவு நீக்கம், தொல்படிவ எரிபொருளை எரித்தல் போன்ற மானுட நடவடிக்கைகள் மூலம் நேரடி யாகவோ அல்லது மறைமுகமாகவோ பசுமை இல்ல வாயுப் பொருட்களை மொத்தமாக உருவாக்குதல் கார்பன் வழித்தடம் எனப் படுகிறது.
21. சமூகத்திற்கு சுற்றுச்சூழல் தாக்க மதிப்பீட்டினால் ஏற்படும் பயன்கள் யாவை?
  • ஒரு ஆரோக்கியமான சுற்றுச்சூழல்.
  • உயிரிப்பன்மத் தொகுப்பினைப் பராமரித்தல்.
  • குறைந்தளவு வளங்கள் பயன்பாடு.
  • குறைந்த அளவு வாயு வெளியேற்றம் மற்றும் குறைந்த அளவு சுற்றுச்சூழல் சேதம். ஆகிய பயன்கள் ஏற்படுகின்றன.
22. உயிரி கண்காணிப்பு என்றால் என்ன? 
  • சூழல் தொகுப்பு, உயிரி பன்மக்கூறுகள், இயற்கை வாழிடங்கள், சிற்றினம் மற்றும் உயிரினத்தொகை சார்ந்த நிலப்பரப்பு ஆகியவற்றில் நடைபெற்றுக் கொண்டிருக்கும் மாற்றங்கள் மற்றும் அவற்றின் தற்போதைய நிலை குறித்துக் கண்காணிக்கவும் மதிப்பிடவும் உதவும் ஒரு செயலாகும்.
23. வேளாண் பறக்கும் இயந்திரம் என்றால் என்ன? 
  • பயிர் பெருக்கம் மற்றும் பயிர் வளர்ச்சியைக் கண் காணிக்கும் வேளாண்மைக்க உதவும் ஒரு ஆளில்லா வானூர்தியாகும்.
  • விவசாயிகள் தங்களது நிலங்களை வானிலிருந்து கண்காணிக்கும் வாய்ப்பினை வழங்குகிறது.
  • நீர்ப்பாசன பிரச்சனைகள், மண்ணின் மாற்றங்கள், பூச்சி மற்றும் பூஞ்சைத் தாக்கங்கள் முதலிய தொல்லைகளை கூரிய பார்வையால் தெளிவுப் படுத்த உதவுகிறது.
  • பாதுகாப்பான, சிக்கனமான, அபாயங்களற்ற பூச்சி மருந்து மற்றும் உரங்களைப் பயன்படுத்துவதற்கு உதவும். மேலும் ஒரு எளிய முறையாகும்.
24. வேளாண் பறக்கும் இயந்திரம் (அல்லது) உயிரி கண்காணிப்பின் பயன்கள் யாவை?
  • நீர்ப்பாசன பிரச்சினைகள், மண்ணின் மாற்றங்கள். பூச்சி மற்றும் பூஞ்சை தாக்கங்கள் முதலிய தொல்லைகளை கூரிய பார்வையால் தெளிவுபடுத்த உதவுகிறது.
  • பாதுகாப்பான, சிக்கனமான, அபாயங்களற்ற பூச்சி மருந்து, உரங்கள் பயன்படுத்துவதற்கு பயன் படும் எளிய முறையாகும்.
25. புவியியல் சார் தகவல் அமைப்புகள் என்றால் என்ன?
  • புவிப்பரப்பின் மீதுள்ள அமைப்பு சார்ந்த தகவல் களை படம்பிடிக்க, சேமிக்க, சோதிக்க மற்றும் காட்சிப்படுத்த உதவும் தகவல்சார் கணினிசார் ஓர் அமைப்பாகும்.
  • மேலும் புவிசார் தகவல், வான்சார் தகவல்கள் அளிக்கவும் திறம்படக் கையாள்வதற்கும், பகுத்தறிதலுக்கும், நிர்வகிக்கவும் உதவுகிறது.

26. புவியியல் சார் தகவல் அமைப்பின் நோக்கம் யாது?

  • பூமிப்பரப்பின் மீதுள்ள ஒரு பொருளின் நிலையை நிர்ணயிக்க உதவும் செயற்கைக்கோள் வழிகாட்டும் அமைப்பாகும்.
  • புவியின் மீதுள்ள ஓர் அமைவிடத்தை மக்கள் துல்லியமாகக் கண்டுணரப் பயன்படும் சமஇடை வெளியில் நிலைநிறுத்தப்பட்டுள்ள பூமி மீது சுற்றி வரும்,
  • நட்சத்திரக் கூட்டம் போன்ற 30 செயற்கைக்கோள் ஒருங்கமைந்த கட்டமைப்பாகும். எ.கா சுரங்கம், வான்பயணம், வேளாண் மற்றும் கடல்சார் சூழல் தொகுப்பு.

27. ஆக்கிரமிப்பு தாவரங்களில் அயல்நாட்டு தாவரம் களின் பெயர்கள் யாவை? 

  • ஐகோர்னியா கிராஸிபஸ்
  • லேண்டானாகமாரா
  • புரோசாபிஸ் ஜீலிஃப்ளோரா
  • பார்த்தீனியம் ஹிஸ்டிரோஃபோரஸ்
28. கார்பன் தேக்கி என்றால் என்ன? எ.கா. தருக, 
  • வளிமண்டலத்தில் உள்ள கார்பனைக் குறிப்பிட்ட கால இடைவெளியில் கரியமில வாயுவாக வெளியேறாமல் தடுத்துச் சேமித்து வைக்கும். திறன் பெற்ற அமைப்புகள் கார்பன் தேக்கி எனப் படும் எ.கா: காடு, மண், கடல் ஆகிய இயற்கை தேக்கிகள்

12th Botany Lesson 8 Additional 2,3,5 Marks

XV. மூன்று மதிப்பெண் வினாக்கள்

 1.பசுமை இல்ல வாயுக்களால் ஏற்படும் விளைவுகள் யாவை? எடுத்துக்காட்டு தருக.
  • பசுமை இல்ல வாயுக்களின் அதிகரிப்பால் வெப்ப நிலை அதிகரிப்பதோடு, பருவநிலை மாற்றம். பெரும் சூழல் மண்டலங்கள் மாற்றம் போன்ற வற்றை ஏற்படுத்துகின்றன.
  • வெப்பத்தினால் பெருமளவில் பாதிக்கப்படுவது பவளப் பாறைகள் அதிகம் நிறைந்த சூழல் மண்டலங்களாகும்.
  • எ.கா: பவளப் பாறைகள் வெளிர்தல் தமிழ் நாட்டில் மன்னார் வளைகுடா பகுதியில் கண்டறியப்பட்டுள்ளது.
2.புவி வெப்பமடைதலை நாம் ஏன் தடுக்க வேண்டும்?
  • புவியின் வெப்பம் அதிகரிக்கும் போது துருவப் பகுதியில் பனிக்குன்றுகள் மற்றும் பனிக்கட்டிகள் உருகத் தொடங்குகின்றன. இதன் காரணமாக கடல்நீர் மட்டம் உயர்ந்து உலகின் பல பகுதி களிலுள்ள கடலோர நகரங்கள் மூழ்கும் நிலை ஏற்படும்.
  • காலநிலையில் தீவிர மாற்றங்கள் ஏற்பட்டு அதன் மூலம் கடும் வெள்ளப்பெருக்கு. அதிக வறட்சி போன்றவை நிலவும்.
  • உயிரிப்பன்மயத் தன்மை குறைந்து வருவதோடு சில சிற்றினங்கள் அழியும் நிலை ஏற்படும்.
3. புவிவெப்பமடைதலுக்கான முக்கிய காரணம் யாது ? 
  • பெருகி வரும் மக்கள் தொகைக்கேற்ப உணவுப் பொருட்களின் உற்பத்தி நார் பொருட்கள் மற்றும் எரிபொருட்களின் தேவையும் அதிகரிக்கப்பட வேண்டியுள்ளது. இதுவே புவி வெப்பமடை தலுக்கு முக்கிய காரணமாக கருதப்படுகிறது.
4.புவி வெப்பமடைதல் தற்போது அச்சுறுத்தும் சவாலாக உள்ளது. அதனை தடுக்கும் வழிமுறைகள் யாவை?
  • புலிப்பரப்பின் மீது தாவரப் போர்வையை அதிகரித்தல், அதிக மரங்களை வளர்த்தல்.
  • தொல்லுயிர் படிம் எரிபொருட்கள், பசுமை இல்ல வாயுக்கள் பயன்பாட்டைக் குறைத்தல்;’
  • புதுப்பிக்கத்தக்க ஆற்றல் வள ஆதாரங்களைப் பெருக்குதல், நைட்ரஜன் உரங்கள் மற்றும் ஏரோசோல் குறைந்த அளவு பயன்படுத்துதல்.
5. ஓசோன் அடுக்கு ஏன் அழைக்கப்படுகிறது?
  • ஓசோன் கவசம் என்று ஓசோன் அடுக்கு புவியின் மீவளிமண்டல அடுக்கின் ஒரு பகுதியாக அமைந்துள்ளது. இது சூரியனிடமிருந்து வரக்கூடிய புற ஊதாக் கதிர் களைப் பெருமளவில் கவர்ந்து கொள்கிறது.
  • எனவே இவ்வடுக்கினை ஓசோன் கவசம் என்றும் அழைக்கலாம்.
6.டாப்ஸன் அலகு என்றால் என்ன? 
  • மொத்த ஓசோனை அளவிட உதவும் ஓர் அலகு டாப்ஸன் அலகு
  • 0* வெப்பநிலையில் 1 வளிமண்டல அழுத்தத் தில் (புவிப்பரப்பின் மீதுள்ள காற்ற ழுத்தம்) 0.01 மில்லி மீட்டர் தடிமன் கொண்ட தூய ஓசோன் மூலக்கூறுகள் எண்ணிக்கை ஒரு டாப்ஸன அலகு (0.001 atm.cm) எனப்படும்.
  • புவிப்பரப்பின் மீது காணப்படும் மொத்த ஓசோன் அடுக்கு 0.3.செ.மீ (3 மி.மீ) தடிப்புள்ளது. இது 300 DU என குறிப்பிடப்படும்.
7. ஓசோன் அடுக்கை தம்மால் பார்க்க முடியுமா? 
  • ஓசோன் மிகவும் மெல்லிய அடுக்கு இது வளி மண்டலத்தில் (மிகவும் குறைந்த அளவில் இருந்தாலும்) நீல நிறத்தை தோற்றுவிக்கும்.
  • நமது கண்களால் பார்க்க முடியாது ஆனால் செயற்கை கோள்கள் மூலம் காணாலாம்.

8.மாஸ்ட்ரியல் ஒப்பந்தம் ஏன் ஏற்படுத்தப்பட்டது?

  • 1970 ஆம் ஆண்டு நடத்தப்பட்ட ஆய்வு முடிலில் மனிதன் வாயிலாக வெளியிடப்படும். குளோரோஃபுளோரோ கார்பன் (CFC) ஓசோன் மூலக்கூறுகளை அதிக அளவில் சிதைத்து அதன் அளவை குறைத்து விடுவது கண்டறியப்பட்டது.
  • எனவே சுற்றுச்சூழலைப் பாதுகாக்க ஏற்படுத்தப் பட்ட வியன்னா கூட்டத்தில் ஆக்கப்பூர்வமான ஒழுங்கு நடைமுறைகள் ஒப்பந்தம் உருவாக்கப்பட்டது.
  • பிற்காலத்தில் இந்த செயல்முறைகள் அனைத்து சர்வதேச அளவிலான மான்ட்ரியல் ஒப்பத்தம் என அழைக்கப்பட்டது.
9. மான்ட்ரியல் ஒப்பந்தம் என்றால் என்ன? அதன் நோக்கம் யாது?
  • 1987 ல் கனடாவில் நடைபெற்ற சர்வதேசப் பிரதிநிதிகள் குழு கூட்டத்தில் வளிமண்டலத்தில்,

i) ஓசோன் படலத்தைச் சேதப்படுத்தும் பொருட்களை களைவது குறித்தும்,

ii) படிப்படியாக அத்தகைய பொருட்கள் உற்பத் தியை நிறுத்தி பயன்பாட்டைக் குறைக்கவும் குறிக்கோளாகக் கொண்டு விவாதிக்கப்பட்டது.
10. தூய்மை மேம்பாடு செயலதிட்டம் (அல்லது) க்யோட்டோ உடன்படிக்கை (அல்லது) ஒப்பந்தம் என்றால் என்ன? 
  1. தூய்மை மேம்பாடு செயல்திட்டம் (Clean Development Mechanism – CDM) க்யோட்டோ ஒப்பந்தம், (or) உடன்படிக்கை (Kyoto protocol, (2007) எனவும் இதனை வரையறுக்கலாம்.
  2. இதில் சரியான குறிக்கோளுக்காக செயல்திட்டம் வகுக்கப்பட்டு நடைமுறைப்படுத்தப்பட்டு வருகிறது. அதாவது வானிலை மாற்றத்தின் விளைவால் ஏற்படும் அபாயத்திலிருந்து பாதகாப்பது மற்றும் பசுமை இல்ல வாயுக்கள் வளிமண்டலத்தில் வெளியிடப்படுவதைக் குறைப்பது போன்ற முக்கிய குறிக்கோள் களுக்கான செயல் திட்டம் உருவாக்கப்பட்டு உள்ளது.
  3. CDM திட்டத்தின் மூலம் பலவேறு நாடுகளில் நச்சு வாயுக்களின் வெளியேற்றம் குறைந்திருப் பதோடு சுற்றுச்சூழல் தொடர்ந்து மேம்பாடடைய ஊாக்குவிக்கப்பட்டும் வருகிறது;
11.புரதவங்கி மற்றும் உயிரிவேலி மற்றும் காப்பரணாகத் தீவன மரங்கள் இதை வேறுபடுத்துக. 
புரதவங்கி
  • தீவன உற்பத்திக்காகப் பல்நோக்குடைய மரங்களை வேளாண் மற்றும் சுற்றுப்புற நிலங்களின் உள் மற்றும் எல்லாப் பக்கங்களிலும் நடவு செய்து வளர்க்கப்படுகிறது.
  • எ.கா: அக்கேசியா நிலோடிகா, அல்பிஜியா லெப்பக், இண்டிகா.
உயிரிவேலி மற்றும் காப்பரணாகத்
  • தீவன மரங்கள் வெளி விலங்குகள் (அல்லது) பிற உயிரிக் காரணி களின் தாக்கத்திலிருந்து சொத்துக்களைப் பாதுகாக்கப் பல்வேறு வகையான தீவன மரங்கள் மற்றும் காப்பரண்கள் ஆகியன உயிரி வேலியாக வளர்க்கப் படுகிறது.
  • எ.கா: கிளரிசிடியா சிபியம், செஸ்பேனியா கிராண்டிஃபுளோரா, அக்கேசியா சிற்றினம்.
12. சமூகக் காடுகள் என்றால் என்ன? 
  • உள்ளூர் சமூகத்தால் நீடித்த நிலைத்த காடுகளைப் பராமரித்தல் அதன் நோக்கம்
  • வளிக்கார்பன் சேகரிப்பு
  • மாற்றங்களை குறைத்தல்
  • மாசுபாடு நீக்கம்
  • காடழிப்பு
  • காடுகள் மீட்டெடுப்பு மற்றும்
  • இளைஞர்களுக்கு மறைமுக வேலைவாய்ப்பு ஆகியவற்றைக் குறிக்கும்.
  • மேலும் சுற்றுச்சூழல் சமூகம், கிராமப்புற வளர்ச்சி ஆகிய நன்மைகளுக்கு உதவுகிறது.
13. வன விரிவாக்க மையங்கள் முக்கியத்துவம் வாய்ந்தவை ஏன்?
வன விரிவாக்க மையங்களின் முக்கியச் செயல்பாடுகள் யாவை? வன விரிவாக்க மையங்கள் முக்கியத்துவம் வாய்ந்தவை ஏனென்றால்
  • மர வளர்ப்பு பயிற்சி அளித்தல்,
  • மர வளர்ப்பு பற்றிய விளம்பரமும், பிரச்சாரமும் செய்தல்.
  • நடவு களங்களை உருவாக்கி விளக்குதல்.
  • மலிவு விலையில் நாற்றுகள் வழங்குவதை அதிகரித்தல்,
  • பயிற்சி மற்றும் முகாம்களின் மூலம் பள்ளி மாணவர்கள் மற்றும் இளைஞர்களுக்குக் காடு களின் முக்கியத்துவம் பற்றிய விழிப்புணர்வை ஏற்படுத்துதல்,
14. காடுகள், மண், கடல் ஆகியன இயற்கை கார்பன் தேக்கிகள் என ஏன் அழைக்கப்படுகிறது? கார்பன் தேக்கிகள் என்றால் என்ன?
  • வளிமண்டலத்தில் உள்ள கார்பனைக் குறிப்பிட்ட கால இடைவெளியில் கரியமில வாயுவாக வெளியேறாமல் தடுத்துச் சேமித்து வைக்கும் திறன் பெற்ற அமைப்புகள் கார்பன் தேக்கி எனப்படுகிறது.
  • எ.கா : காடுகள், மண், கடல் ஆகிய இயற்கை தேக்கிகளாகவும், நிலத்தேக்கிகள் செயற்கை தேக்கிகளாகவும் அறியப்படுகின்றன.
15. ஜூகோர்னியா கிராஸிபஸ் ஏன் பெங்காலின் terror என்று அழைக்கப்படுகிறது 
  • இதன் பரந்து விரிந்த வளர்ச்சி தாவர மிதவை உயிரிகளின் வளர்ச்சியை பாதித்து முடிவில் நீர்வாழ் சூழ்நிலையையே மாற்றி விடுகிறது.
  • மேலும் நீரின் ஆக்ஸிஜன் அளவை குறைப்ப தோடு நீர் நிலையில் யூடிராபிக்கேஷனுக்கம் வழிவகுக்கிறது.
  • இது மனித உடல் நலத்திற்கு அச்சுறுத்தலாகவும் உள்ளது. எவ்வாறெனில் இது நோயை உருவாக்கும் கொசுக்களின் இனப்பெருக்க உறை விடமாக உள்ளது
16. சிப்கோ இயக்கம் மற்றும் அப்பிக்கோ இயக்கம் வேறுபடுத்துக.
சிப்கோ இயக்கம்
  • இமயமலை பகுதியிலுள்ள மக்கள் விளையாட்டு பொருள் தயாரிப்பு நிறுவனம் மரங்களை வெட்டு வதற்கு எதிராக மரங்களை கட்டித்தழுவி மக்கள் எதிர்ப்பு தெரிவித்தனர்.
  • 1972ல் இமயமலை பகுதியில் உள்ள பழங்குடி பெண்களால் தொடங்கப்பட்டது. பின்னர் சுந்தர்லால் பகுகுனா என்பவரால் சிப்கோ இயக்கம் என மாற்றப்பட்டது.
அப்பிக்கோ இயக்கம்
  • கிராம வாசிகள் காடுகளை காப்பாற்றுவதற்காக மரங்களை வெட்டுதல் ஒற்றைச் சிற்றின வளர்ப்பு வனக் கொள்கை, காடு அழிப்பு ஆகியவற்றிற்கு | எதிராக ஆர்ப்பாட்டம் நடத்தத் தொடங்கினர்.
  • இந்த இயக்கம் கர்நாடகாவில் சிர்சிக்கு அருகிலுள்ள குப்பிகட்டே என்ற சிறிய கிராமத்தில் பாண்டுரங்க ஹெக்டேவினால் தொடங்கப்பட்டது.
17. வாழிடப் பேணுகை பாதுகாப்பு, புறவாழிடப் பேணுகை பாதுகாப்பு இவற்றை வேறுபடுத்துக
வாழிடப் பேணுகை பாதுகாப்பு
  • இயற்கை வாழிடங்களில் காணப்படும் மரபியல் ஆதாரங்களின் மேலாண்மை மற்றும் பாதுகாப்பு என்பதாகும்.
  • அச்சுறுத்தலுக்குட்பட்ட வனமரங்கள், மருத்துவ மற்றும் நறுமணத் தாவரங்கள் பாதுகாக்கப்படு கின்றன.
புறவாழிடப் பேணுகை பாதுகாப்பு
  • சிற்றினங்கள் இயற்கைச் சூழலுக்கு வெளியே |பாதுகாக்கப்படுகின்றன.
  • இவை தாவரவியல் தோட்டங்கள், விலங்கியல் பூங்காக்களைத் தோற்றுவித்தல், பாதுகாப்பு உத்தி களான மரபணு, மகரந்தம், விதை அகவளர் முறை பாதுகாப்பு நாற்றுகள், திசுவளர்ப்பு மற்றும் DNA | வங்கிகள் மூலம் பாதுகாக்கப்படுகின்றன.
18. புவியியல் சேகரிப்பு என்றால் என்ன? 
  1. வளிமண்டலத்தின் கார்பன் டை ஆக்ஸைடை உயிரிதொழில்நுட்பம் மூலமாக கைப்பற்றி நிலத்தடி பாறைகளுக்கிடையே உட்செலுத்தி சேமிக்கும் முறையாகும்.
  2. நிலைத்த சேமிப்பிற்காகப் பல பாதுகாக்கப்பட வேண்டிய இடங்கள் இதற்காகத் தேர்வு செய்யப்பட்டுள்ளன.
  3. பெருங்கடல்களில் திரவச் சேமிப்பாகவும், உலோக ஆக்ஸைடைப் பயன்படுத்திக் கார்பன் டை-ஆக்ஸைடை குறைத்தல் மூலம் திடமான கார்பனேட்டாக மாற்றி உலர் அல்லது திடசேமிப் பாகவும் சேமித்து வைக்கப்படுகிறது. 4. இதுவே புவியியல் சேகரிக்கப் பயன்படுகிறது.
19. சமூகத்திற்குச் சுற்றுச்சூழல் தாக்க மதிப்பீட்டினால் ஏற்படும் பயன்கள் யாவை?
  • ஓர் ஆரோக்கியமான சுற்றுச்சூழல்.
  • உயிரிப்பன்மயத் தொகுப்பினை பராமரித்தல்,
  • குறைந்தளவு வளங்கள் பயன்பாடு.
  • குறைந்த அளவு வாயு வெளியேற்றம் மற்றும் சுற்றுச்சூழல் சேதம் ஆகிய பயன்கள் ஏற்படுகின்றன.
20. சுற்றுச்சூழல் தாக்க மதிப்பீடு என்றால் என்ன?
  • சுற்றுச்சூழல் தாக்க மதிப்பீடு என்பது சுற்றுச்சூழல் மேலாண்மையின் ஒரு உபாயமாகும்.
  • சூழல் மண்டலம் மற்றம் உயிரியல் சமுதாயங்கள் மீது ஏற்படுத்தப்படும் தாக்கத்தை வெகுவாக குறைக்கவும். இயற்கை வளங்களை உகந்த அளவு பயன்படுத்தவும், கட்டுப்படுத்தவும் பரிந் துரைக்க உதவிபுரிகிறது.
21. உயிரிப்பன்மயத் தாக்க மதிப்பீடு என்றால் என்ன? 
  1. உயிரிப்பன்மயத் தாக்க மதிப்பீடு என்பது வளர்ச்சி திட்டமிடல் மற்றும் செயல்படுத்தலுக்கும், முடிவு களுக்கும் உதவும் ஒரு கருவியாகும்.
  2. இது வளர்ச்சி திட்டங்களுக்கு உறுதியளிப்பதைக் குறிக்கோளாகக் கொண்டுள்ளது.
22. உயிரிப்பன்மத் தாக்க மதிப்பீட்டின் பயன்கள் யாவை?
  • நிவமாற்றம் மற்றும் பயன்பாடு காப்பதிலும்,
  • நிலத் துண்டாக்குதல் மற்றும் தனிமைப்படுத்துதலும்.
  • வளங்கள் பிரித்தெடுத்தல்,
  • புகை வெளியேற்றம், கழிவுகள், வேதி பொருட்கள், புற உள்ளீடு செய்யவும்.
  • மரபு மாற்றப்பட்ட சிற்றினங்கள் அந்நிய மற்றும் ஆக்கிரமிப்பு சிற்றினங்களை அறிமுகப் படுத்துதல்,
23. ஏரிக்களின் முக்கியத்துவம் யாது?
  • ஏரிகள், குளங்கள் போன்ற நீர்நிலை தொகுப்பு களினால் சுற்றுச்சூழல் பயன்பாடுகள் அளிக்கப் படுகிறது.
  • ஏரிகள் மழைநீரைச் சேமித்து நமக்கு குடிநீர் அளிக்கிறது.
  • நிலத்தடி நீர்மட்டத்தை மேம்படுத்தி நன்னீர் உயிர்ப்பன்மத்தையும் ஏரி அமைந்துள்ள வாழ் விடங்களையும் பாதுகாக்க உதவுகிறது.
  • ஏரிகள் நீர் பராமரிப்பு மற்றும் காலநிலை தாக்கங்கள் போன்ற பிரச்சனைகளுக்கு தொடர் தீர்வுகளை அளித்து வருகிறது.
  • நுண்ணூட்டப் பொருட்களை தேக்கிவைப்பதற்கும், மழைப்பொழிவிற்கும் வழிவகை செய்கிறது.
  • மாசுக்களை அகற்றவும், பாஸ்பரஸ், நைட்ரஜன் மற்றும் கார்பன் சேகரிப்பிற்கும் இவை உதவு கிறது.
24. (நைட்ரஸ் ஆக்ஸைடு), N,O உருவாதல் எழுதுக.
  • இயற்கையில் பெருங்கடல்களிலிருந்தும் மழைக்காடுகளிலிருந்தும் N,O உருவாகிறது.
  • நைலான். நைட்ரிக் அமில உற்பத்தி வேளாண் உரங்களைப் பயன்படுத்துதல், வினைவேக மாற்றிகள் பொருத்தப்பட்ட மகிழுந்துகளைப் பயன்படுத்துதல் மற்றும் கரிமப் பொருட்களை எரித்தல் போன்றவற்றின் மூலம் NO செயற்கை யாக உருவாகிறது.
25. மீத்தேன் உருவாதல் பற்றி சிறு குறிப்பு வரைக. 
  • மீத்தேன் CO, வைக் காட்டிலும் 20 மடங்கு வெப்பத்தை வளிமண்டலத்தில் கூட்டுகிறது.
  • நெல் பயிரிடல் காலநடை வளர்ப்பு, நீர் நிலைகளில் வாழும் பாக்டீரியங்கள் மற்றும் நெல்லுயிரி படிம எரிபொருட்களின் உற்பத்தி, கடல், ஈரத்தன்மையற்ற நிலம், காட்டுத்தீ வாயிலாக மீத்தேன் உருவாகிறது.

12th Botany Lesson 8 Additional 2,3,5 Marks

XVI. ஐந்து மதிப்பெண் வினாக்கள்

1.புவி வெப்பமடைதல் வரையறு. புவி வெப்பமடைதலுக்கான காரணங்கள் யாவை?
பசுமை இல்ல
1.புவிவெப்பமடைதல்

  • பசுமை இல்ல வாயுக்களின் அடர்த்தி அதிகரிக்கும் போது புவியின் சராசரி வெப்பநிலையும் (உயர்கின்றது. அதிகபட்சம் 4000 வருடங்கள்) இது புவிவெப்பமடைதல் என அழைக்கப் படுகின்றது.

2.புவிவெப்பமடைதலுக்கான காரணம்:

  • பெருகிவரும் மக்கள் தொகைக்கேற்ப உணவுப் பொருட்களின் உற்பத்தி நார் பொருட்கள் மற்றும் எரிபொருட்களின் தேவையும் அதிகரிக்கப்பட வேண்டியுள்ளது. இதுவே புவிவெப்பமடை தலுக்கு முக்கிய காரணமாக கருதப்படுகிறது.

3.பசுமை இல்ல வாயுக்கள்:

  • பசுமை இல்ல வாயுக்களின் அதிகரிப்பால் வெபநிலை அதிகரிப்பதோடு, பருவநிலை மாற்றம், பெரும் சூழல் மண்டலங்கள் மாற்றம் போன்றவற்றை ஏற்படுத்துகின்றன. வெப்பத்தினால் பெருமளவில் பாதிக்கப்படுவது பவளப்பாறைகள் அதிகம் நிறைந்த சூழல் மண்டலங்களாகும்.
  • எ.கா: பவளப் பாறைகள் வெளிர்தல் தமிழ் நாட்டில் மன்னார் வளைகுடா பகுதியில் கண்டறியப்பட்டுள்ளது.

4.பசுமை இல்ல விளைவை உண்டாக்கும் மனிதச் செயல்பாடுகள் :

  • தொல்லுயிர் படிம எரிபொருட்களை எரிக்கும் போது CO2 மற்றும் CH4 அதிகம் வெளிப் படுதல்.
  • வேளாண் மற்றும் கால்நடை வளர்ப்பு போன்ற வற்றின் செயலமுறைகளில் மாற்றங்களை உண்டாக்குதல்.
  • குளிர்சாதனப் பெட்டி, காற்று குளிர்விப்பான்கள் போன்ற மின்னணு சாதனங்களிலிருந்து குளோரோஃபுளோரோ கார்பன் (CFC) வெளியேறுதல்.
  • வேளாண் நிலங்களில் பயன்படுத்தப்படும் உரங்களில் இருந்து N2O வெளிப்படுதல்.தானியங்கி வாகனங்களில் இருந்து வெளிவரும் புகை.

2.பசுமை இல்ல வாயுக்களை வெளிவிடும் இயற்கை மற்றும் மனித இனம் மூலம் பற்றி எழுதுக. CO2 (கார்பன்-டை- ஆக்ஸைடு)

  • நிலக்கரியைச் சார்ந்துள்ள மின் உற்பத்தி நிலையங்களில் தொல்லுயிர் படிம எரிப்பொருட்கள் எரிக்கப்படும் போது,
  • தானியங்கி வாகனங்கள், வணிக ஊர்திகள், வானூர்திகள் போன்றவற்றின் எரிப்பொருட்கள் எரிக்கப்படுவதால் புவி வெப்பமடைதல் அதிக ளவில் ஏற்படுகிறது.
  • வேளாண் நிலங்களில் அறுவடையின்போது எஞ்சி நிற்கும் அடிக்கட்டைப் பயிர்களை எரிப்பதாலும் COz வெளியேற்றப்படுகின்றது. கரிமப்பொருட்கள், எரிமலைகள், மித வெப்பக்கடல்கள் மற்றும் வீழ்படிவங்கள் மூலம் இயற்கை யாக உருவாதல்.

மீத்தேன் :

  • மீத்தேன், CO2-வைக் காட்டிலும் 20 மடங்கு வெப்பத்தை வளிமண்டலத்தில் கூட்டுகிறது.
  • நெல் பயிரிடல், கால்நடை வளர்ப்பு, நீர்நிலை களில் வாழும் பாக்டீரியங்கள் மற்றும் தொல்லுயிர் படிம எரிபொருட்களின் உற்பத்தி, கடல், ஈரத் தன்மையற்ற நிலம், காட்டுத்தீ வாயிலாக மீத்தேன் உருவாகிறது.

N2O (நைட்ரஸ் ஆக்ஸைட்) :

  • இயற்கையில் பெருங்கடல்களிலிருந்தும். மழைக்காடுகளிலிருந்தும் NO உருவாகிறது.
  • நைலான். நைட்ரிக் அமில உற்பத்தி, வேளாண் உரங்களைப் பயன்படுத்துதல், வினைவேக மாற்றிகள் பொருத்தப்பட்ட மகிழுந்துகளைப் பயன்படுத்துதல் மற்றும் கரிமப்பொருட்களை எரித்தல் போன்றவற்றின் மூலம் N2O செயற்கை யாக உருவாகிறது.

3.புவி வெப்பமாதலால் தாவரங்களில் ஏற்படும் விளைவுகள் யாவை? (அல்லது) புவிவெப்ப மாதலால் தாவரங்களில் மற்றும் காலநிலையில் ஏற்படும் மாற்றங்கள் யாவை? புவி வெப்பமாதலால் தாவரங்களில் ஏற்படும்

விளைவுகள் : 
  1. வெப்பமண்டலப் பிரதேசங்களில் உணவு உற்பத்தி குறைதல்,
  2. வளிமண்டலத்தில் அதிகளவில் வெப்பக்கதிர்கள் (heat waves) வீசுதல் (களைகள், பூச்சிகள் மற்றும் பூஞ்சைகளுக்கு அதிக வெப்பம் தேவைப்படுகிறது.)
  3. நோய் கடத்திகள் மற்றும் தொற்றுநோய்கள் அதிகம் பரவுதல்.
  4. பலத்த சூறாவளிக்காற்றும், கடுமையான வெள்ளப்பெருக்கும் ஏற்படுதல்.
  5. தண்ணீர் தட்டுப்பாடு மற்றும் நீர்ப்பாசனக் குறைபாடு.
  6. பூக்கள் தோன்றும் காலங்கள் மற்றும் மகரந்தச் சேர்ப்பிகளில் மாற்றங்கள் நிகழ்தல்.
  7. தாவரப் பரவல் பிரதேசங்களின் சிற்றினங்களில் மாற்றங்கள் காணப்படுதல்.
  8. தாவரங்கள் அழிந்து வருதல்.

4.சில தாவரங்களின் இருப்பு அல்லது இல்லாமை எங்கு நிலவும் சூழலைச் சுட்டிக்காட்டும் விதத்தில் காணப்படும்? இது எவ்வாறு அழைக்கப்படுகிறது? 

தாவர சுட்டிக்காட்டிகள்:
  • சில தாவரங்களின் இருப்பு அல்லது இல்லாமை அங்கு நிலவும் சூழலைச் சுட்டிக்காட்டும் விதத்தில் காணப்படும். தனித்தாவர சிற்றினமோ அல்லது தாவரத் தொகுப்போ சூழல் நிலைகளைக் கண்டு அளவிட உதவுகின்றன. அவை உயிரிச்சுட்டிக்காட்டிகள் அல்லது தாவர சுட்டிக்காட்டிகள் எனப்படும், உதாரணமாக,

தாவரங்கள்

  1. லைக்கன்கள், ஃபைகஸ், பீனுஸ், ரோஜா.
  2. பெட்டுனியா, க்ரைசாந்திமம்.
  3. க்ளேடியோலஸ்
  4. ரொபீனியா சூடோஅகேசியா

குறிகாட்டுவது 

  1. (சல்ஃபர்-டை-ஆக்ஸைடு சுட்டிக்காட்டிகள்
  2. நைட்ரேட் குறிகாட்டி சுட்டிக்காட்டி
  3. ஃப்ளூரைட் மாசுபாடு சுட்டிக்காட்டி
  4. கன உலோகத் தூய்மைக்கேட்டை சுட்டிக்காட்டும்.

5.ஒசோன் அடுக்கு குறைந்து வரும் நிலையில் U-V கதிரியக்கம் சூரியனிலிருந்து பூமியை வந்தடைந்து சேதங்களை உயிரிகளில் ஏற்படுத்துகிறது. ஒசோன் குறைதலின் விளைவுகள் எவை என்று கூறு.

  1. கண்ணில் புரை உண்டாதல், தோல் புற்றுநோய் அதிகளவில் தோன்றுதல், மனிதனின் நோயெதிர்ப்பு சக்தி குறைந்துவிடுதல்.
  2. இளமைக்காலங்களிலேயே விலங்கினங்கள் மடிந்து போதல்.
  3. சடுதி மாற்றங்கள் அடிக்கடி ஏற்படுதல்,
  4. ஒளிச்சேர்க்கை வேதிப்பொருட்கள் பாதிக்கப் பட்டு அதன் மூலம் தாவரங்களின் ஒளிச்சேர்க்கை தடைப்படுகிறது. ஒளிச்சேர்க்கை அளவு குறைந்து வரும் வேளையில் உணவு உற்பத்தி குறைந்து உணவு பற்றாக்குறை ஏற்படும். மேலும் வளிமண்டலத்தில் CO2 அளவு அதிகரித்துப் புவி வெப்பமடையும்.
  5. வெப்பநிலை அதிகரிக்கும் போது வானிலை, மழைப்பொழிவு போன்ற காலநிலையில் மாற்றம் ஏற்படும். இதன் விளைவால் வெள்ளப்பெருக்கு. வறட்சி, கடல்மட்டம் உயர்தல் போன்றவை ஏற்படும். சூழல் மண்டலங்கள் நடுநிலைத் தன்மை இழந்து தாவரங்களும், விலங்குகளும் பாதிப்பிற்குள்ளாகும்.
6. ஓசோன் பற்றி ஒரு கட்டுரை வரைக.

  1. ஓசோன் அடுக்கு புவியின் மீவெளிமண்டல அடுக்கின் (stratosphere) ஒரு பகுதியாக அமைந்துள்ளது. இது சூரியனிடமிருந்து வரக்கூடிய புற ஊதாக் கதிர்களைப் பெருமளவில் கவர்ந்து கொள்கிறது. இதனால் இவ்வடுக்கினை ஓசோன் கவசம் (Ozone Shield) என்றும் அழைக்கலாம். இவ்வடுக்கப் புற ஊதாக் கதிர்களைத் தடுத்து நிறுத்திப் புவியில் வாழும் உயிரினங்களைப் பாதுகாக்கும் அடுக்காக விளங்குகிறது.
  2. வளிமண்டலத்தின் மேற்பகுதியில் இரண்டு அடுக்குகள் காணப்படுகின்றன. அவையாவன அடிவளி மண்டலம் (troposphere) (கீழ்டுக்கு) மற்றும் மீவளிமண்டலம் (stratosphere) (மேலடுக்கு) அடிவளி மண்டலப் பகுதியில் காணக்கூடிய ஓசோன் படலம் பயனற்றதாகும். (bad one) அதே சமயம் மேலடுக்கில் காணப் படும் ஓசோன படலம் நனிமைத்தரும் அடுக்காகும். (good ozone). ஓசோன் அடுக்கின் தடிமண் டாப்ஸன் அலகுகளால் (Dobson Units) அளவிடப்படுகின்றன. இதன் மூலம் புவிப் பரப்பிலிருந்து வளிமண்டலத்தின் வெளிப்பகுதி வரையிலும் காற்றில் கலந்துள்ள ஓசோன் படலத்தை அளவிட முடியும்.
  3. சில வகையான வேதிப் பொருட்கள் வளிமண்டலத்தில் வெளியிடப்படும் போது ஓசோன் படலம் தொடர்ந்து பாதிப்பிற்கு உள்ளாகிறது. குறிப்பாக, குளிர்சாதனப் பெட்டிகளிலிருந்து வெளியேறும் குளோரோஃ புளோரோ கார்பன், ஏரோசால், தொழிற்சாலை களில் அழுக்கு நீக்கம் வேதிப் பொருட்கள் போன்றவை இத்தகைய பாதிப்பினை ஏற்படுத்துகின்றன. ஓசோன் அடுக்கின் அடர்வு வெகுவாகக் குறைந்து காணப்படும் பகுதிகள் அபாயகரமான பகுதியாகக் கண்டறியப்பட்டு அப்பகுதியை ஒசோன் துளை (Ozone hole) என அழைக்கப்படுகின்றன.
  4. செப்டம்பர் 16 – உலக ஓசோன் தினம், UV B உயிர் மூலக்கூறுகளையும், உயிர்ச் செல்களையும் அழிக்கின்றன. (தோல் மூப்படைதல்). UV கதிரி யக்கம் தோலின் நிறமாற்றம், தோல் கருகுதல் மற்றும் தோல் புற்றுநோய் போன்றவற்றைத் தூண்டவும் காரணமாகிறது.
  5. 1970 ஆம் ஆண்டு நடத்தப்பட்ட ஆய்வு முடிவில் மனிதன் வாயிலாக வெளியிடப்படும் குளோரோஃபுளோரோ கார்பன் (CFC) ஒசோன் மூலக்கூறுகளை அதிகளவில் சிதைத்து வளிமண்டலத்தின் ஒசோன் அளவை வெகுவாகக் குறைத்துவிடுவது கண்டறியப்பட்டது.
  6. சுற்றுச்சூழலைப் பாதுகாக்க ஏற்படுத்தப்பட்ட வியன்னா கூட்டத்தில் ஆக்கப்பூர்வமான ஒழுங்கு நடைமுறைகள் ஒப்பந்தம் (உடன்படிக்கைகள்) வகுக்கப்பட்டது. பிற்காலத்தில் இந்தச் செயல் முறைகள் அனைத்தும் சர்வதேச அளவிலான மான்ட்ரியில் ஒப்பத்தம் (உடன்படிக்கை) (Montreal Protocol) என அழைக்கப்பட்டது.
  7. தூய்மை மேம்பாடு செயல்திட்டம் (Clean Development Mechanism – CDM) க்யோட்டோ ஒப்பந்தம் / உடன்படிக்கை (Kyoto Protocol) (2007) எனவும் இதனை வரையறுக் கலாம்.
7.புதிய காடு வளர்ப்பின் நோக்கங்கள் மற்றும் குறிக்கோள் அடைவுகள் (அல்லது) சாதனைகள் யாவை?
புதிய காடு வளர்ப்பின் நோக்கங்கள்:

  • காடுகளின் பரப்பளவை அதிகரித்தல், அதிக மரங்களை நடவு செய்தல், ஆக்ஸிஜன் உற்பத்தியை அதிகரித்தல் மற்றும் காற்றின் தரத்தை உயர்த்துதல்,
  • வளங்குன்றிய காடுகளைப் புனரமைப்பதனால் கார்பன் நிலைநிறுத்துதலை அதிகரித்தல் மற்றும் வளிமண்டலக் கார்பன்-டை-ஆக்ஸைடை குறைத்தல்
  • மூங்கில் தோட்டங்களை வளர்த்தல்.
  • சிறிய வனவளப் பொருட்கள் உற்பத்தி மற்றும் A மருத்துவத் தாவரங்களை நடவு செய்தல்.
  • உள்ளூர் சிறு செடி / புதர்ச் செடிகளை மீளுரு வாக்குதல். நீர்மட்டம் அல்லது நிலத்தடி நீர் மட்டத்தை உயர்த்துதல், மண்ணில் நைட்ரஜன் வழிந்தோடுதலையும், குடிநீரில் நைட்ரஜன் கலப்பதையும் குறைத்தல், அதன் காரணமாக நைட்ரஜன் மாசற்ற தூய நீர் உருவாதல்.
  • இயற்கையின் துணை கொண்டு செயற்கை மீளுருவாக்கம் சாத்தியமாகிறது.

குறிக்கோள் அடைவுகள் / சாதனைகள் 

  • சிதைவுற்ற காடுகள் மறுசீரமைக்கப்பட்டுள்ளன.
  • சமூகச் சொத்துக்களான மேல்நிலை தொட்டிகள். ஆழ்துளை கிணறுகள், கை பம்புகள், சமுதாயக் கூடங்கள், நூலகங்கள் முதலியன நிறுவப்பட்டு உள்ளது.
  • சுற்றுச்சூழ்நிலையியல் மற்றும் சூழலியல் நிலைப்புத் தன்மை பராமரிக்கப்பட்டுள்ளது. உயிரிபன்மம், வன உயிரிகள் மற்றும் மரபணு மூலங்கள் பாதுகாக்கப்பட்டுள்ளன. காடு மேலாண்மையில் சமூக ஈடுபாடு குறிப்பாகப் பெண்கள் பங்கு குறிப்பிடத்தக்கது.

8.உயிரிப்பன்மப் பாதுகாப்பு இயக்கம் என்றால் என்ன?

பாதுகாப்பு இயக்கம் :

  • ஒரு சமூக நிலையிலான பங்களிப்பு நமது சுற்றுச்சூழலின் பேணுகை மற்றும் பாதுகாப்பிற்கு உதவுகிறது.
  • பூமியிலுள்ள அனைத்து உயிரினங்களுக்கும் நம்முடைய சுற்றுச்சூழல் ஒரு பொதுவான பொக்கிஷமாகும். ஒவ்வொரு தனி நபரும் இது பற்றி எச்சரிக்கையாக இருக்க வேண்டும் மற்றும் உள்ளூர் சூழலைப் பாதுகாப்பிற்காக வடிவமைக்கப்பட்ட திட்டங்களில் தீவிரமாகப் பங்கேற்க வேண்டும்.
  • சுற்றுச்சூழலைப் பாதுகாப்பதற்காகப் பல மக்கள் இயக்கங்களை இந்திய வரலாறு கண்டிருக்கிறது.

சிப்கோ இயக்கம் :

  • 1972ஆம் ஆண்டு இமயமலை பகுதியிலுள்ள பழங்குடி பெண்கள் காடுகள் சுரண்டம் படுவதற்கு எதிர்ப்பு தெரிவித்தனர். 1974 – ஆம் ஆண்டு சாமோலி மாவட்டத்திலுள்ள மண்டல் கிராமத்தில் சுந்தர்லால் பகுகுனா என்பவரால் இது சிப்கோ இயக்கம் என மாற்றப்பட்டது.
  • ஒரு விளையாட்டுப் பொருள் தயாரிப்பு நிறுவனம் மரங்களை வெட்டுவதற்கு எதிராக மரங்களை ஒன்றாகக் கட்டித்தழுவி மக்கள் எதிர்ப்பைத் தெரிவித்தனர்.

முக்கிய அம்சங்கள் :

  • இந்த இயக்கம் அரசியல் சார்பற்றது.
  • இது காந்தியச் சிந்தனைகள் அடிப்படையிலான தன்னார்வ இயக்கமாகும். சிப்கோ இயக்கத்தின் பிரதான நோக்கங்களான உணவு, தீவனம், எரிபொருள், நார் மற்றும் உரம் ஆகிய ஐந்து முழக்கங்கள் (Five F’s Food, Fodder, Fuel, Fibre and Fertilizer) மூலம் தங்கள் அடிப்படை தேவைகளுக்கான தன்னிறைவை ஏற்படுத்துவதாகும்.

அப்பிக்கோ இயக்கம்

  • இமயமலையிலுள்ள உத்தரகாண்டில் புகழ்பெற்ற சிப்கோ இயக்கத்தால் ஈர்க்கப்பட்டு உத்தரக் கர்நாடகாவின் கிராமவாசிகள் தங்களுடைய காடுகளைக் காப்பற்றுவதற்காக இதே போன்ற இயக்கத்தினைத் தொடங்கினார்கள்,
  • இந்த இயக்கம் கர்நாடகாவில் சிர்சிக்கு அருகிலுள்ள குப்பிகட்டே என்ற ஒரு சிறிய கிராமத்தில் பாண்டுரங்க ஹெக்டேவினால் தொடங்கப்பட்டது.
  • இந்த இயக்கம் மரங்களை வெட்டுதல், ஒற்றைச் சிற்றின் வளர்ப்பு வனக்கொள்கை, காடு அழிப்பு ஆகியவற்றிற்கு எதிராக ஆர்ப்பாட்டம் நடத்தத் தொடங்கியது.

9.இடவரைமையங்கள் மற்றும் இடவரை தாவரங்கள் பற்றி எழுதுக. 

  1. ஒரு குறிப்பிட்ட புவியியல் பகுதியில் மட்டும் காணப்படும் தாவரங்கள் மற்றும் விலங்குகள் இடவரை சிற்றினங்கள் எனப்படுகின்றன.
  2. இதற்குத் தனிமைப்படுத்தல், சிற்றினங்களுக்கு இடையேயான இடைச்செயல்கள், விதை பரவுதலில் சிக்கல்கள், ஒரு குறிப்பிட்ட இடம் தள விசேடத்துவம் மற்றும் பல சுற்றுச்சூழல் மற்றும் சூழ்நிலையியல் பிரச்சனைகள் போன்ற பல்வேறு காரணங்களாக இருக்கலாம்.
  3. மூன்று பெரிய இடவரை மையங்கள் மற்றும் 27 நுண்ணிய இடவரை மையங்கள் இந்தியாவில் காணப்படுகின்றன. இந்தியாவில் சுமார் மூன்றில் ஒரு பங்கு இடவரைத் தாவர இனங்களாக அடையாளம் காணப்பட்டுள்ளன.
  4. இந்திய இமயமலை. தீபகற்ப இந்தியா மற்றும் அந்தமான் நிக்கோபார் தீவுகளில் பரவிக் காணப்படுகின்றன.
  5. ஃபோயேஸி, ஏப்பியேஸி, ஆஸ்ட்ரேஸி மற்றும் ஆர்க்கிடேஸி குடும்பத்தைச் சார்ந்த சிறு செடிகளே அதிகச் சதவீதத்தில் காணப்படும் இடவரை தாவரங்களாகும்.

இடவரைத் தாவரங்கள்

  • பக்காரியா குற்றாலன்சிஸ்
  • அகஸ்தியமலைய்யா பாசிஃப்ளோரா
  • ஹார்ட்விக்கியா பைனேட்டா
  • பென்டிக்கியா கொண்டப்பனா
  • நெப்பந்தஸ் காசியானா

வளரியல்பு

  • மரம்
  • மரம்
  • மரம்
  • மரம்
  • வன்கொடி

இடவரை மையம்

  • மேற்குத் தொடர்ச்சி மலையின் தெற்கு பகுதி
  • தீபகற்ப இந்தியா
  • தீபகற்பம் மற்றும் வட இந்தியா பகுதி
  • தமிழ்நாடு மற்றும் கேரளாவின் மேற்குத் தொடர்ச்சி மலைகள்
  • காசி மலைகள் மற்றும் மேகாலயா.

10. புவிவெப்பமாதலை குறைக்க இரண்டு கார்பன் சேமிப்பு முறைகளை பற்றி எழுதுக.

  • கார்பன் கவரப்படுதல் மற்றும் சேமிப்பு என்பது வளிமண்டலத்தின் கார்பன்-டை-ஆக்ஸைடை உயிரிதொழில்நுட்பம் மூலமாகக் கைப்பற்றி ஒரு கிலோமீட்டர் அல்லது அதற்குக் கீழான ஆழத்தில் உள்ள நிலத்தடிப் பாறைகளுக் கிடையே உட்செலுத்திச் சேமிக்கும் முறையாகும்.
  • புவிவெப்பமாதலை மட்டுப்படுத்தும் ஓர் அணுகு முறையாகும்.
  • நிலைத்த சேமிப்பிற்காகப் பல பாதுகாக்கப்பட வேண்டிய இடங்கள் இதற்காகத் தேர்வு செய்யப்பட்டுள்ளன. பெருங்கடல்களில், திரவச் சேமிப்பாகவும். உலோக ஆக்ஸைடைப் பயன்படுத்திக் கார்பன்-டை -ஆக்ஸைடை குறைத்தல் மூலம் திடமான கார்பனேட்டாக மாற்றி உலர் அல்லது திடச் சேமிப்பாகவும் சேமித்து வைக்கப்படுகிறது. இது புவியியல் சேகரிப்பு என்றும் அறியப்படுகிறது.

கார்பன் சேகரிப்பு :

  • கார்பன் சேகரிப்பு என்பது வளிமண்டலக் கரியமிலவாயுவைக் குறைக்கும் நோக்கில் வளிக் கார்பனைப் பிரித்தெடுத்துச் சேமிக்கும் ஒரு செயல்முறையாகும்.
  • தாவரங்களிலும், கடலிலும் இயற்கையாகவே கார்பன் சேகரிப்பு நிகழ்கிறது. வன மற்றும் மண் பாதுகாப்பு செயல்முறைகள் கார்பன் சேகரிப்பை அதிகரிப்பதன் மூலம் நிலக்கார்பன் சேகரிப்பு மற்றும் சேமிப்பைப் பொதுவாக நிறைவடையச் செய்கின்றன.
  • எடுத்துக்காட்டாக நுண் பாசிகளின் சிற்றினங் களான குளோரெல்லா, செனிடெஸ்மஸ்,க்ரூக்காக்கஸ் மற்றும் கிளாமிடோமோனாஸ் உலகமெங்கும் கரியமில வாயுவின் கார்பனைச் சேகரிப்பதற்கு உதவிப்புரிகின்றன.
  • கடற்பெரும்பாசிகள், கடற்புற்கள் மற்றும் சதுப்புநிலக் காடுகளும் கரியமில வாயுவைக் கட்டுப்படுத்த அதிகத் திறன் பெற்றுள்ளன.
11. கார்பன் வழித்தடம் என்றால் என்ன? கார்பன் வழித்தடத்தை எவ்வாறு குறைக்கலாம்?
கார்பன் வழித்தடம்:

  • மனிதனின் ஒவ்வொரு செயலும் நம் காலடிச் சுவடு போல் ஓர் தடத்தினைத் தோற்று விக்கின்றன. விவசாயம், தொழிற் சாலைகள், காடழிப்பு, கழிவுநீக்கம், தொல்படிவ எரி பொருளை எரித்தல் போன்ற மானுட நடவடிக்கைகள் மூலம் நேரடியாகவோ அல்லது மறைமுகமாகவோ பசுமை இல்ல வாயுப்பொருட்களை மொத்தமாக உருவாக்குதல் “கார்பன் வழித்தடம்’ எனப்படுகிறது.
  • கார்பன் வழித்தடத்தினைக் குறைக்கக் கீழ்க்காணும் முறைகளைப் பின்பற்றலாம். உள் நாட்டில் விளையும் கனிகள் மற்றும் உற்பத்தி யாகும் பொருட்களை உண்ணுதல்.
  • மின்னணு சாதனங்களின் பயன்பாட்டைக் குறைத்தல்,
  • பயணங்களைக் குறைத்தல்.
  • துரித மற்றும் பாதுகாக்கப்பட்ட, பதப்படுத்தப்பட்ட, பெட்டியிலிடப்பட்ட உணவுப் பொருட் களைத் தவிர்த்தல்.
  • தோட்டங்களை உருவாக்குதல்.
  • இறைச்சி மற்றும் கடல் உணவுகள் உட்கொள் வதைக் குறைத்தல், கோழி வளர்ப்பு கால்நடை வளர்ப்பைவிடக் குறைந்த அளவு வளர் இடத் தினையும், ஊட்டப்பொருட்கள் தேவை மற்றும் குறைவான மாசுபாட்டினை ஏற்படுத்துகிறது.
  • மடிக்கணினி பயன்பாட்டினைக் குறைத்தல், (8 மணி நேரப் பயன்பாடு 2 கி.கிராம் அளவு கரியமில வாயுவினை ஒரு வருடத்தில் வெளி யிடுகிறது)
  • துணிகளைக் கொடிகளில் உலர்த்துதல் ஆகியவற்றின் மூலம் குறைக்கலாம். (எடுத்துக் காட்டாக ‘கிவி’ போன்ற இறக்குமதி செய்யப் பட்ட பழங்களை வாங்கினால், அது மறை முகமாகக் கார்பன் வழித்தடத்தை ஊக்குவித்த லாகும்.

12. சுற்றுச்சூழல் தாக்க மதிப்பீடு மற்றும் இதனால் சமூகத்திற்கு ஏற்படும் பயன்கள் பற்றி எழுதுக. 

  • சுற்றுச்சூழல் தாக்க மதிப்பீடு என்பது சுற்றுச்சூழல் மேலாண்மையின் ஒரு உபாயமாகும்.

  • சூழல் மண்டலம் மற்றும் உயிரியல் சமுதாயங்கள் மீது ஏற்படுத்தப்படும் தாக்கத்தை வெகுவாகக் குறைக்கவும், இயற்கை வளங்களை உகந்த அளவு பயன்படுத்தவும், கட்டுப்படுத்தவும் பரிந்துரைக்க உதவி புரிகிறது.

  • வருங்கால நிதிசார் வளர்ச்சித் திட்டங்கள். அணைக்கட்டுகள், நெடுஞ்சாலைத் திட்டங்கள், முன்மொழியப்பட்ட வளர்ச்சித் திட்டங்களால் ஏற்படும் சுற்றுச்சூழல் விளைவுகளை முன்னரே கணிக்கப் பயன்படுகிறது.

  • பிராந்தியச் சூழ்நிலைகளுக்கேற்றவாறு சுற்றுச் சூழல் தாக்கத்தினைக் குறைக்கவும், உறுதி யான சுற்றுச்சூழல் சீரழிவினைத் தவிர்க்கவும். கழிவுப் பொருட்களை அகற்றுவதற்கும் இயற்கை ஆதாரங்களை உகந்த அளவு பயன்படுத்தவும் வழிவகுக்கின்றது.

சமூகத்திற்குச் சுற்றுச்சூழல் தாக்க மதிப்பீட்டினால் ஏற்படும் பயன்கள்

  • ஓர் ஆரோக்கியமான சுற்றுச்சூழல்
  • உயிரிப்பன்மத் குப்பினைப் பராமரித்தல்
  • குறைந்தளவு வளங்களின் பயன்பாடு
  • குறைந்த அளவு வாயு வெளியேற்றம் மற்றும் சுற்றுச்சூழல் சேதம், ஆகிய பயன்கள் ஏற்படு கின்றன.

13.உயிரிப்பன்மத் தாக்க மதிப்பீடு என்றால் என்ன? அதன் பயன்கள் யாவை?

  • உயிரிப்பன்மத் தாக்க மதிப்பீடு வளர்ச்சி, திட்டமிடல் மற்றும் செயல்படுத்தலுக்கும், முடிவுகளுக்கும் உதவும் ஒரு கருவியாகும். இது வளர்ச்சி திட்டங்களுக்கு உறுதியளிப்பதைக் குறிக்கோளாகக் கொண்டுள்ளது.

2. உயிரிப்பன்மத் தாக்க மதிப்பீட்டு பயன்கள்:

  • நிலமாற்றம் மற்றும் பயன்பாட்டு காப்பதிலும்
  • நிலத் துண்டாக்குதல் மற்றும் தனிமைப்படுத்து தலும்
  • வளங்கள் பிரித்தெடுத்தல்
  • புகை வெளியேற்றம், கழிவுகள், வேதி பொருட்கள், புற உள்ளீடு செய்யவும்
  • மரபு மாற்றப்பட்ட சிற்றினங்கள், அந்நிய மற்றும் ஆக்கிரமிப்பு சிற்றினங்களை அறிமுகப் படுத்துதல்
  • இடவரை மற்றும் அச்சுறுத்தலுக்குட்படும் தாவர மற்றும் விலங்கினங்களின் மீது ஏற்படும் தாக்கம் ஆகியவற்றிற்கு உதவுகின்றன.
14.புவியியல்சார் தகவல அமைப்புகள் என்றால் என்ன? அவற்றின் முக்கியத்துவம் யாது? 
  1. புவிப்பரப்பின் மீதுள்ள அமைப்பு சார்ந்த தகவல்களை (GIS) படம்பிடிக்க, சேமிக்க, சோதிக்க மற்றும் காட்சிப்படுத்த உதவும் தகவல்சார் கணினிசார் ஓர் அமைப்பாகும். மேலும் புவிசார்ந்த தகவல், புவி மற்றும் வான்சார் தகவல்கள் அளிக்கவும், திறம்படக் கையாள் வதற்கும், பகுத்தறிதலுக்கும், நிர்வகிக்கவும் உதவுகிறது.
  2. பூமிப்பரப்பின் மீதுள்ள ஒரு பொருளின் நிலையை நிர்ணயிக்க உதவும் செயற்கைக்கோள் வழிகாட்டும் ஓர் அமைப்பாகும்.
  3. புவியின் மீதுள்ள ஓர் அமைவிடத்தை மக்கள் துல்லியமாகக் கண்டுணரப் பயன்படும் சம இடைவெளியில் நிலை நிறுத்தப்பட்டுள்ள பூமியின் மீது சுற்றிவரும் நட்சத்திரக் கூட்டம் போன்ற 30 செயற்கைக்கோள்கள் ஒருங்கமைந்த கூட்டமைப்பாகும்.
புவியியல்சார் தகவல் அமைப்புகளின் முக்கியத்துவம் :

  • சூழல் தாக்க மதிப்பீடு,
  • இயற்கை சீற்றம் மேலாண்மை, நிலச்சரிவு அபாயங்கள் வரையறுக்க,
  • நிலப்பரப்பு மற்றும் பயன்பாடு தீர்மானிக்க, வெள்ள அபாயப் பாதிப்புகளை மதிப்பிட,
  • இயற்கை வளங்களை மேலாண்மை செய்ய,
  • மண் வரைபடம் உருவாக்க,
  • ஈரநில வரைபடத் தயாரிப்பு.
  • நீர்பாசன மேலாண்மை மற்றும் எரிமலை அபாயங்களை கண்டறிய,
  • அச்சுறுத்தலுக்குட்பட்ட மற்றும் இடவரை சிற்றினங்கள் மேலும் தாவரக் கூட்டங்களின் வரைபடம் தயாரிக்கவும் பயன்படுகிறது.

15.தொலை உணரி என்றால் என்ன? அதன் சிறப்புப் பயன்கள் யாவை? 

தொலை உணரி

  1. தொலை உணரி என்பது ஒரு குறிப்பிட்ட இடத்தின் இயற்பியப் பண்புகளை கண்டுபிடிக்கவும் மற்றும் கண்காணிக்கவும் உதவும் ஒரு செயல்முறையாகும். இது ஒரு குறிப்பிட்ட இடத்திலிருந்து கதிரியக்க உமிழ்வு மறுப்பிரதிபலித்தலைத் தொலைவிலிருந்து குறிப்பிட்ட இடத்தை அளவிட உதவுகிறது. ஒரு தனி மரம் முதல் பெரிய தாவரத்தொகுப்பு மற்றும் வன உயிரிகளைப் பாதுகாக்கின்ற செயல் முறைகளின் சரியான படக்குறிப்பு மற்றும் தகவல்கள் மூலம் கண்டறிதல் கருவியாகும்.

சிறப்பு பயன்கள்

  1. விரும்பத்தக்க சூழலை நிர்ணயிக்கவும், நோய் பரவுதல் மற்றும் கட்டுப்படுத்துதல் முதலியவற்றை அறிய உதவுகிறது.
  2. வனத்தீ மற்றும் சிற்றினப் பரவலை வரைபடமாக்கப் பயன்படுகிறது. கடலடிமட்டம் மற்றும் அவற்றின் வளங்களையும் படமிடப் பயன்படுகிறது.
செயற்கைக்கோள்களின் பயன்பாடுகள்
செயற்கைக்கோள்களின் பெயர்

5.SCATSAT -I
6.INSAT – 3DR
7.CARTOSAT – 2
8.GSAT – 6A
9.CARTOSAT – 2 (நூறாவது செயற்கைக்கோள்)

ஏவப்பட்ட ஆண்டு
5.செப்டம்பர் 2016
6.செப்டம்பர் 2016
7.சனவரி 2018
8.மார்ச் 2018
9.சனவரி 2018
பயன்பாடு
5.காலநிலை முன்னறிவிப்பு, புயல் கணிப்பு மற்றும் இந்தியாவில் கணிப்பு சேவை
6.இயற்கைச்சீற்ற மேலாண்மை
7.புவி உற்றுநோக்கல்
8.தகவல் தொடர்பு
9.எல்லைப் பாதுகாப்பை கண்காணிக்க

Leave a Reply