You are currently viewing 12th Botany PURE SCIENCE GROUP 3rd Lesson

12th Botany PURE SCIENCE GROUP 3rd Lesson

12th Botany PURE SCIENCE GROUP 3rd Lesson

12th Botany Pure Science Guide 10th Lesson Answers. 12th Botany PURE SCIENCE 10th Lesson Answers. 12th Standard Pure Science Grout Unit 10, 10th Lesson book Back and Additional Question and Answers. TN 12th Bio-Botany Unit 10, 10th lesson Additional 5 Marks Tamil Medium. Additional 1 Marks, 2 Marks, 3 Marks, 5 Marks Question and answers for 12th Students and NEET Students for Tamil Medium. 12th Botany Samacheer Kalvi Guide.. 12th Botany Unit 9 Full Answers. TN 12th Standard pure science Book Back All Question with answers Tamil Medium. 12th Samacheer kalvi Guide Lesson 10. பொருளாதாரப் பயனுள்ள தாவரங்களும் தொழில் முனைவுத் தாவரவியலும் Answer key in Tamil Medium Students Guide 360. HSC 12th Botany Lesson 3 Book Back Answers. 12th Botany Pure Science Guide. https://www.lyrics2tamilsongs.com/

12th Botany PURE SCIENCE GROUP 3rd Lesson

12th Botany PURE SCIENCE GROUP 3rd Lesson

3rd Lesson 2 Marks

1.இருமடிய உயிரி என்றால் என்ன?
  • முழுமையான இரு அடிப்படைத் தொகுதி குரோமோசோம்களை கொண்டுள்ள உயிரினத்திற்கு இருமடிய உயிரி (diploid) என்று பெயர். எ.கா: பப்பாளி 2n=36
2. பால் பிணைப்பு வரையறு.
  • பால் குரோமோசோம்களுடன் இணைந்து பிணைப்புற்ற மரபணுக்கள் பால் பிணைப்பு (sex linkage) என்று அழைக்கப்படுகின்றன.
3.தாமஸ் ஹண்ட் மார்கன் என்பவர் எக்கண்டுபிடிப்பிற்கான நோபல் பரிசு பெற்றார்?
  • தாமஸ் ஹண்ட் மார்கன் (Thomas Hund Morgan) (1933) என்பவர் பாரம்பரியத்தில் குரோமோசோம்களின் பங்கு பற்றிய கண்டுபிடிப்புகளுக்காகச் செயலியல் அல்லது மருத்தும் சார்ந்த துறைக்கான நோபல் பரிசைப் பெற்றார்.
4.பிணைப்புற்ற மரபணுக்கள் என்றால் என்ன? 
  • ஒரே குரோமோசோமில் காணப்படும் அருகமைந்த மரபணுக்கள் ஒன்றாகவே பாரம்பரியமாவது பிணைப்புற்ற மரபணுக்கள் (linked genes) எனப்படுகிறது.
5.பிணைப்புறாத மரபணுக்கள் என்றால் என்ன? 
  • ஒரே குரோமோசோமில் காணப்படும் இரு மரபணுக்கள் குறிப்பிடத்தக்க தொலைவில் அமைந்திருந்தால் அது பிணைப்புறாத மரபணுக்கள் (unlinked genes) எனப்படுகிறது.
6.சிஸ் வகை அமைவு என்றால் என்ன? 
  • ஒரே ஒத்திசைவு குரோமோசோம்களில் காணப்படும் இரு ஓங்குத்தன்மை அல்லீல்கள் ஒரே கேமீட் மூலம் ஒன்றாகவே மரபுவழி அடைந்தால் இணைப்பு அல்லது சிஸ் வகை அமைவு (cis configuration) என்று அழைக்கப் படுகிறது.
7.மறுக்கூட்டிணைவிகள் என்றால் என்ன? 
  • குறுக்கேற்றத்தினால் புதிய பண்புகளைப் பெற்ற உயிரினங்கள் மறுகூட்டிணைவிகள் எனப்படும்.
8. இருபுள்ளி கலப்புகள் வரையறு 
  • தொடர்ச்சியான சோதனைக் கலப்புகளிலிருந்து இரு மரபணுக்களின் இணைகளுக்கான மரபணு வரைபடங்கள் கட்டமைக்கப்படுவது இருபுள்ளி கலப்புகள் (two – point crosses) என்று பெயர்.
9. மக்காச்சோளத்தில் உள்ள மூன்று ஓடுங்குத் தன்மைக் கொண்ட அல்லீல்கள் யாவை? 
  • மக்காச்சோளத்தில் (corn). உள்ள ஓடுங்குத்தன்மை கொண்ட அல்லீல்கள்
  1. 1 என்பது மந்த வளர்ச்சி (lazy) அல்லது நிலம் மூன்று படர்ந்த வளரியல்பு.
  2. g என்பது பளபளப்பான (glossy) இலை.
  3. உ என்பது சர்க்கரை சத்துள்ள (sugary) கருவூண் திசு.
10.தாவரங்களில் பால் நிர்ணயம் எவற்றால் தீர்மானிக்கப்படுகிறது? 
  • தாவரங்களில் பால் நிர்ணயம் என்பது ஒரு சிக்கலான முறையாகும். இவை மரபணுக்கள், சுற்றுச்சூழல் மற்றும் ஹார்மோன்களால் தீர்மானிக்கப்படுகிறது.
11. தாவரங்களில் பால் நிர்ணயத்தை கண்டறிந்தவர் யார்?
  • தாவரங்களில் பால் நிர்ணய முறையை C.E. ஆலன் (C.E. Allen) (1917) என்பவர் முதலில் கண்டறிந்தார்.
12. தாவரங்களை மோனோமார்ஃபிக் டைமார்ஃபிக் தாவரங்கள் என அழைக்கக் காரணம் என்ன?
  • 6% பூக்கும் தாவரங்களில் ஆண் பெண் பாலின உறுப்புகள் தனித்தனியாக அமைந்துள்ளன. இவற்றை டைமார்ஃபிக் (dimorphic) தாவரங்கள் என கருதப்படுகிறது.
  • ஆண் தாவர மலர்களின் மகரந்தத்தாள்களையும், பெண் தாவர மலர்களில் சூலக இலைகளையும் மட்டுமே உருவாக்குகின்றன.
  • இரண்டும் ஒரே தாவரத்தில் காணப்பட்டால் மோனோமார்ஃபிக் (96%) தாவரங்கள் ஆகும்.
13. பைவாலண்ட் என்றால் என்ன?
  • ஒத்திசைவு குரோமோசோம்கள் அருகமைவதால் தோன்றும் ஒரு இணை ஒத்திசைவு குரோமோசோம்கள் இரட்டை இணை பைவாலண்ட் எனப்படுகிறது.
14. சின்டெனிக் மரபணுக்கள் என்றால் என்ன?
  • ஒரே குரோமோசோமில் காணப்படும் இரு மரபணுக் அவை பிணையுறாத மரபணுக்கள் எனப்படுகின்றன

12th Botany PURE SCIENCE GROUP 3rd Lesson

3 Marks 

1.பிணைப்பு மற்றும் குறுக்கேற்றம் வேறுபடுத்துக.
பிணைப்பு

  1. குரோமோசோம்களில் உள்ள மரபணுக்கள் அருகமைந்து காணப்படும்.
  2. ஒத்திசைவு குரோமோசோம்களில் உள்ள ஒரு குரோமோ சோம் மட்டுமே பங்குபெறும்.
  3. புதிய மரபணுச் சேர்க்கை களை இது குறைக்கிறது.

குறுக்கேற்றம்

  1. படியெடுத்தல் நிகழ்வை ஒடுக்க அல்லது குறைக்க உதவும் கார வரிசையாகும்.
  2. ஒத்திசைவு குரோமோசோம்களின் சகோதரி அல்லாத குரோமாட்டிட்களுக்கு இடையே உள்ள துண்டுகளின் பரிமாற்றம் நிகழும்
  3. புதிய மரபணுச் சேர்க்கைகள் தோன்றுவதன் மூலம் வேறுபாடுகளை அதிகரிக்கிறது, புதிய உயிரினம் தோன்ற வழிவகுக்கிறது,

குறுக்கேற்றம் யாவை? என்பது யாது? அதன் வகைகள்

  • ஒத்திசைவு குரோமோசோம் இணைகளின் சகோதரி அல்லாத குரோமோட்டிட்களுக்கிடையே இணையான துண்டங்கள் பரிமாற்றப்பட்டுப் புதிய மரபணுச் சேர்க்கை தோன்றும் உயிரிய நிகழ்விற்குக் குறுக்கேற்றம் என்று பெயர்.
  • ‘குறுக்கேற்றம்’ என்ற சொல் மார்கன் (1912) என்பவரால் முன்மொழியப்பட்டது. இது குன்றல் பகுப்பின் புரோபேஸ் 1ல் பாக்கிடீன் (Pachytene) நிலையில் நடைபெறுகிறது.
  • வழக்கமாகக் கேமீட்டுகள் உருவாக்கத்தின் போது குறுக்கேற்றம் இனசெல்களில் நடைபெறுகிறது. இது குன்றல் பகுப்பு குறுக்கேற்றம் அல்லது இனசெல் குறுக்கேற்றம் என்று அழைக்கப்படும்.
  • இது பொதுவாகக் காணப்படும் முக்கியத்துவம் பெற்ற நிகழ்வாகும். அரிதாக மிகவும் மைட்டாசிஸ் நிலையின் போது குறுக்கேற்றம் உடலச் செல்களில் நிகழ்கிறது. இது உடலச் செல் குறுக்கேற்றம் அல்லது மைட்டாடிக் குறுக்கேற்றம் என்று அழைக்கப்படுகிறது.
3. பிணைப்புத் தொகுதிகள் சிறு குறிப்பு வரைக. 
  • ஒரு குரோமோசோமில் நீள் வரிசையில்
  • அமைந்துள்ள பிணைப்புற்ற மரபணுக்களின் தொகுப்பிற்குப் பிணைப்புத் தொகுதிகள் என்று அழைக்கப்படுகிறது.
  • எந்த ஒரு சிற்றினத்திலும் அதில்
  • காணப்படும் பிணைப்புத் தொகுதிகளின் எண்ணிக்கை ஒருமடியத் தொகுதிகுரோமோசோம்களின் எண்ணிக்கைக்கு நிகராகக் காணப்படும்.

எடுத்துக்காட்டு

உயிரினத்தின் பெயர்கள்
  1. மியூகர்
  2. டுரோசோஃபில்லா
  3. இனிப்பு பட்டாணி
  4. நியூரோஸ்போரா
  5. மக்காச்சோளம்
பிணைப்புத் தொகுதிகள்

  1. 2
  2. 4
  3. 7
  4. 7
  5. 10
4. குறுக்கேற்றத்தினை கயாஸ்மாக்களின் அடிப்படையில் வகைப்படுத்துக. 
  • குறுக்கேற்றத்தின் போது உருவாகும் கயாஸ்மாக்களின் எண்ணிக்கையின் அடிப்படையில் இது மூன்று வகைப்படும்.
  • ஒற்றைக் குறுக்கேற்றம் : நான்கில் இரு குரோமோடிட்கள் மட்டுமே பங்கேற்று ஒரு கயாஸ்மாவை உருவாக்குகிறது.
  • இரட்டைக் குறுக்கேற்றம் : இரண்டு அல்லது மூன்று அல்லது அனைத்து நான்கு குரோமோடிட்களும் பங்கேற்று இரண்டு கயாஸ்மாக்களை உருவாக்குகிறது,
  • பல் குறுக்கேற்றம் : இரண்டிற்கு மேற்பட்ட கயாஸ்மாக்கள் உருவாவதால், குறுக்கேற்ற நிகழ்விரைவு மிகக் குறைவாக இருக்கும்,
5. மறுகூட்டிணைவு நிகழ்விரைவு என்றால் என்ன? அதன் சூத்திரம் யாது? மறுகூட்டிணைவு நிகழ்விரைவுக் (RF) கணக்கீடு:

ஒரு கலப்பின் போது தோன்றும் மறு கூட்டிணைவு வழித்தோன்றல்களின் விழுக்காடு மறுகூட்டிணைவு நிகழ்விரைவு எனப்படுகிறது.

6.மாற்றுமுறை இயைத்தலின் முக்கியத்துவம் யாது? 
மாற்றுமுறை இயைத்தலின் முக்கியத்துவம்:

  • மாற்றுமுறை இயைத்தலினால் உருவாகும் பலவகைப்பட்ட mRNA களினால், பல்வேறு வகையில் அமினோ அமில வரிசைகளைப் பெற்றும் மேலும் செயல்பாட்டில் வேறுபட்ட புரதங்கள் உருவாகின்றன.
  • ஒரு மரபணுவிலிருந்து ஒத்த உரு பெற்ற பல்வேறு புரதங்கள் தோன்றுகின்றன.ஒரு மரபணுவிலிருந்த பல mRNA படிகள் தோன்றுகின்றன. மரபணு ஒன்றின் விலைபொருட்களின் எண்ணிக்கை அதிகமாகிறது.
  • சூழல் நிர்ப்பந்தங்களைச் சமாளித்து அதற்கேற்ற தக அமைவுகளைப் பெற இது உரவுகிறது. அதாவது சூழலுக்கேற்ற பண்பைத் தேர்வு செய்ய இது உதவுகிறது.
7. குரோமோசோம்களில் சடுதிமாற்றம் (அ) குரோமோசோம் பிறழ்ச்சிகள் என்றால் என்ன? 
  • குரோமோசோம்களின் அமைப்பு மற்றும் எண்ணிக்கையில் உண்டாகும் மாற்றங்கள். ஒரு செல்லின் மரபணு தொகையத்தில் மிகப்பெரிய மாற்றத்தை ஏற்படுத்துகிறது.
  • இந்த மிகப் பெரிய மாற்றங்களே குரோமோசோம் சடுதிமாற்றங்கள் அல்லது குரோமோசோம் பிறழ்ச்சிகள் (Chromosomal aberrations) எனக் கருதப்படுகிறது. ஒரு மரபணுவிற்குள் நடைபெறும் மாற்றமானது, மரபணு சடுதிமாற்றம் எனவும் அதிக மரபணுக்களைக் கொண்ட குரோமோசோம் பகுதியில் நடைபெறும் மாற்றமானது குரோமோசோம் சடுதிமாற்றம் எனவும் அழைக்கப்படுகிறது.
  • இவை நுண்ணோக்கி ஆய்வு, மரபணு பகுப்பாய்வு அல்லது இரண்டின் மூலமாகவோ கண்டறிய முடியும். மாறாக மரபணு சடுதிமாற்றத்தை நுண்ணோக்கி ஆய்வு மூலம் கண்டறிய இயலாது.
  • குரோமோசோம் சடுதிமாற்றம் இரு வகைகளாகப் பிரிக்கப்படுகிறது. குரோமோசோம் எண்ணிக்கையில் ஏற்படும் மாற்றங்கள் குரோமோசோம் அமைப்பில் ஏற்படும் மாற்றங்கள்.

12th Botany PURE SCIENCE GROUP 3rd Lesson

5 Marks 

1.குறுக்கேற்றத்தின் முக்கியத்துவத்தை கூறுக.
  • பாக்டீரியங்கள், ஈஸ்ட், பூஞ்சை, உயர் தாவரங்கள் மற்றும் விலங்குகள் ஆகிய அனைத்து  உயிரினங்களிலும் குறுக்கேற்றம் நடைபெறும். அவை
  • குரோமாடிட் துண்டுகளின் பரிமாற்றம், புதிய மரபணுக்களின் சேர்க்கைக்கு வழிகோலுவதால் இந்நிகழ்வு பரிணாமத்தில் முக்கியப் பங்காற்றுகிறது.
  • குறுக்கேற்றம் பற்றிய ஆய்வின் மூலம் குரோமோசோம்களில் மரபணுக்கள் நேர்க்கோட்டில் அமைந்திருப்பதைத் தெரிந்து கொள்ள முடிகிறது.
  • குறுக்கேற்ற நிகழ்விரைவின் அடிப்படையிலேயே மரபு வரைபடம் உருவாக்கப்படுகிறது.
  • மரபணுவின் தன்மை மற்றும் செயல்பாடுகளை அறிந்து கொள்ளக் குறுக்கேற்றம் உதவுகிறது.
  • ஒரு புதிய நன்மை பயக்கும் சேர்க்கை தோன்றுவதால் தாவரப் பயிர்ப்பெருக்கத்தில் பயன்படுத்தப்படுகிறது.
2. பல்கூட்டு அல்லீல்கள் என்றால் என்ன? அதன் பண்புகள் யாவை?
  • ஒரு உயிரினத்தில் கொடுக்கப்பட்டுள்ள புறத்தோற்றவகைய பண்புக்கூறு (phenotypic trait) அதிலுள்ள தனி இணை மரபணுக்களைச் சார்ந்துள்ளது.
  • இந்த ஒவ்வொன்றும் ஒத்திசைவு குரோமோசோம்களில் ஒரு குறிப்பிட்ட இடத்தில் அமைந்துள்ளதற்கு அமைவிடம் (locus) என்று அழைக்கப்படுகிறது.
  • ஒரு இணை ஒத்திசைவு குரோமோசோம்களில் ஒரு மரபணுவின் மூன்று அல்லது அதற்கு மேற்பட்ட அல்லீல் வகைகள் ஒரே அமைவிடத்தில் அமைந்திருப்பது பல்கூட்டு அல்லீல்கள் என அழைக்கப்டுகிறது.
  • ஒரு இணை ஒத்திசைவு குரோமோசோம்களில் ஒரு மரபணுவின் மூன்று அல்லது அதற்கு மேற்பட்ட அல்லீல் வகைகள் ஒரே அமைவிடத்தில் அமைந்திருப்பது பல்கூட்டு அல்லீல்கள் என அழைக்கப்டுகிறது.

பல்கூட்டு அல்லீல்களின் பண்புகள் :

  • ஒத்திசைவு குரோமோசோம்களில் உள்ள பல்கூட்டு அல்லீல்களின் வரிசை எப்போதுமே ஒரே அமைவிடத்தில் அமைந்துள்ளது. எனவே
  • இந்த அல்லீல்களின் வரிசைகளுக்குள் குறுக்கேற்றம் நடைபெறுவதில்லை. பல்கூட்டு அல்லீல்கள் ஒரே பண்பிற்கு மட்டும் காரணமாகும்.
  • இயல்பான வகை (wild type) அல்லீல்கள் கொண்ட வரிசை ஓங்குப்பண்பினை வெளிப் படுத்தும். மாறாக் சடுதிமாற்றமுற்ற தாவரங்களின் அல்லீல்கள் ஓங்கு அல்லது நடுத்தர வகை தன்மையுடைய புறத்தோற்ற விளைவுகளை வெளிப்படுத்துகின்றன.
  • இருவகையான சடுதிமாற்றமுற்ற பல்கூட்டு அல்லீல்களைக் கலப்பு செய்யப்படும்போது அதன் புறத்தோற்றவகையம் எப்பொழுதுமே சடுதிமாற்ற முற்ற வகையை ஒத்தே அமைந்திருக்கும். இயல்பான வகையை (wild type) ஒத்திருக்காது.
3. ஆண் டுரோசோஃபில்லாவில் முழுமையான பிணைப்பு நடைபெறுவதைப் பற்றி விவரி?
  • பிணைப்புற்ற இரு மரபணுக்களுக்கிடையே பிரிந்து செல்லும் வாய்ப்பு மிகக்குறைவாக இருக்கும் பட்சத்தில் அவை ஒரு சேர மரபுவழி அடைவதால் பெற்றோர்களின் சேர்க்கை மட்டுமே காணப்படுகிறது.
  • ஏனெனில் ஒரே குரோமோசோமில் காணப்படும் பிணைப்புற்ற மரபணுக்களின் இருப்பிடம் மிக அருகருகே அமைந்துள்ளதால் குறுக்கேற்றம் நிகழ வாய்ப்பில்லை.
  • இந்நிகழ்வு முழுமையாக பிணைப்பு என்று அழைக்கப்படுகிறது.
  • இவை அரிதாக நடைபெற்றாலும் ஆண் டுரோசோஃபில்லா கண்டறியப்பட்டுள்ளது.
  • C.B. பிரிட்ஜஸ் (1919) ஆண் டுரோசோஃபில்லா சில சிற்றினங்களில் குறுக்கேற்றம் முற்றிலுமாக நடைபெறுவதில்லை எனக் கண்டறிந்தார்.-
4. மக்காச் சோள விதையில் நடைபெறும் முழுமையற்ற பிணைப்பை பற்றி விவரி?
  • பிணைப்புற்ற மரபணுக்கள் மிக நிகழ அமைந்தால் குறுக்கேற்றம் விலகி அதிக வாய்ப்புள்ளது.
  • இதன் விளைவாகப் பெற்றோர் மற்றும் பெற்றோர் இல்லாத சேர்க்கைகள் அறியப்பட்டது. இந்தப் பிணைப்புற்ற மரபணுக்கள் குறுக்கேற்றத்தை வெளிப்படுத்துகிறது.
  • இது முழுமையற்ற பிணைப்பு என்று அழைக்கப்படுகிறது.
  • இந்நிகழ்வை வறட்சின்சன் மக்காச்சோளத்தில் முதலில் கண்டறிந்தார்.
6. புள்ளி சடுதிமாற்றத்தின் வகைகள் பற்றி விவரி? 
புள்ளி சடுதிமாற்றத்தின் வகைகள் (Types of Point mutation) : 
  • DNA வில் நடைபெறும் புள்ளி சடுதிமாற்றம் இரண்டு வகைகளாக வகைப்படுத்தப் பட்டுள்ளன.
  • கார இணை பதிலீடுகள் மற்றும்  கார இணை  இடைச்செருகல் அல்லது நீக்குதல் ஆகியவையாகும்.
  1. கார இணை பதிலீடு சடுதிமாற்றம் : கார இணை பதிலீடு சடுதிமாற்றம் என்பது DNA வின் ஒரு கார இணை மற்றொரு கார இணையால் பதிலீடு செய்வதாகும். இவை இரு துணை வகைகளாகப் பிரிக்கப்பட்டுள்ளது. ஒத்த பதிலீடு (Transition), வேறுபட்ட பதிலீடு (transversion).
  2. சேர்த்தல் அல்லது நீக்குதல் சடுதிமாற்றம் : சேர்த்தல் அல்லது நீக்குதல் சடுதிமாற்றம் என்பது நியூக்ளியோடைடு இணைகளின் சேர்த்தல் அல்லது நீக்குதல் மற்றும் கார இணை சேர்த்தல் அல்லது நீக்குதல் எனவும் அழைக்கப்படுகிறது.
  3. இன்டெல் சடுதிமாற்றம் : கூட்டாக இந்த நிகழ்வுகள் அனைத்தும் இன்டெல் சடுதிமாற்றம் (indel mutation) (Insertion – deletion mutation) எனக் குறிப்பிடப்படுகிறது. பதிலீடு சடுதிமாற்றம் அல்லது இன்டெல் சடுதிமாற்றங்கள் மரபணுக்களின் மரபுச் செய்தி பெயர்வுகளைப் பாதிக்கின்றன. இதன் அடிப்படையில் பல்வேறு வகையான சடுதி மாற்றங்கள் உள்ளன. அவை
  4. ஒத்த அல்லது அமைதியான சடுதிமாற்றம்: ஒரு அமினோ அமிலத்திற்கான ஒரு மரபுக்குறியனை (codon) அதே அமினோ அமிலத்திற்கான வேறொரு மரபுக்குறியனாக மாற்றியமைக்கப்படும் சடுதிமாற்றம் ஒத்த அல்லது அமைதியான சடுதிமாற்றம் (Synonymous or Silent mutation) என்று அழைக்கப்படுகிறது.
  5. தவறுதலாகப் பொருள்படும் அல்லது ஒத்திலாச் சடுதிமாற்றம் : ஒரு அமினோ அமிலத்திற்கான ஒரு மரபுக்குறியனை வேறொரு அமினோ அமிலத்திற்கான மரபுக்குறியனாக மாற்றியமைக்கப்படும் சடுதிமாற்றம் தவறுதலாகப் பொருள்படும் அல்லது ஒத்திலாச் சடுதிமாற்றம் (Missense or non synonymous mutation) என்று அழைக்கப்படுகிறது.
  6. பொருளுணர்த்தாத சடுதிமாற்றம் : ஒரு அமினோ அமிலத்திற்கான மரபுக்குறியன் முடிவு அல்லது நிறுத்துக் குறியனாக மாற்றமடையும் சடுதிமாற்றம் பொருளுணர்த்தாத சடுதிமாற்றம் (Nonsense mutation) என்று அழைக்கப்படுகிறது.
  7. கட்ட நகர்வு சடுதிமாற்றம் : ஒரு DNA வில் ஒரு கார இணை சேர்த்தல் அல்லது நீக்குதலால் மரபுச் செய்தி பெயர்வு கட்டமைப்புகளை மாற்றப்படுவதன் விளைவால் இயல்பான புரதத்தின் அமைப்பு மற்றும் செயல்பாடு இழக்கப்படுவது கட்ட நகர்வு சடுதிமாற்றம் (Frame shift mutation) என்று அழைக்கப் படுகிறது.

Leave a Reply